प्राध्यापक भक्तिप्रसाद पौडेलको निधन

विराटनगर । त्रिवि प्राध्यापक संघ महेन्द्र मोरङ क्याम्पस विराटनगरका पूर्व सभापति  भक्तिप्रसाद पौडेलको ६९ वर्षको उमेरमा निधन भएको छ ।

पार्किन्सन रोगबाट पीडित पौडेलको विराटनगर–३ राजवंशीचोक स्थित आफ्नै घरमा बिहीबार निधन भएको हो ।

महेन्द्र मोरङ क्याम्पसमा लामो समय प्राध्यापन गरेका नेपाली विषयका प्राध्यापक पौडेल ६ वर्षअघि उमेरका कारण सेवाबाट अनिवार्य अवकाश भएका थिए । 

स्वर्गीय पौडेलको अन्तिम संस्कार बिहीबार नै विराटनगरको परोपकार घाटमा गरिएको उनका भाइ प्राडा बलराम पौडेलले बताए ।  

स्वर्गीय पौडेलकी श्रीमती सावित्रा, दुई छोरा निरज र निवन्ध र एक छोरी नीलम छन् ।