कान्तिपुर र रेड स्टारलाई हिसान फुटबलको उपाधि

विराटनगर । उच्च माध्यमिक शिक्षालय संघ (हिसान) मोरङले आयोजना गरेको खेलसप्ताह अन्तर्गत बुधबार राति भएको फुटबल प्रतियोगिताको उपाधि विराटनगरको कान्तिपुर कलेज र पथरीको रेड स्टार कलेजले जितेको छ ।

विराटनगरको सहिद मैदानमा भएको छात्र फुटबलको फाइनल खेलमा कान्तिपुर कलेजले पथरीको रेड स्टार कलेजलाई १–० को गोल अन्तरले पराजित गरी उपाधि जितेको हो । 

यसअघि भएको छात्रा फुटबलमा साविक विजेता विराटनगरको अर्किड कलेजलाई पराजित गर्दै पथरीको रेड स्टारले फुटबलको उपाधि जितेको छ । 

रेडस्टारले अर्किडलाई ३–० को गोल अन्तरले पराजित गरी उपाधी जितेको हो ।

विजयी तथा अन्य खेलाडीलाई हिसानका केन्द्रीय उपाध्यक्ष भेषराज पोखरेल, हिसान कोशी प्रदेशका अध्यक्ष ज्ञानबहादुर खड्का, सचिव दिपेश बास्तोला र हिसान मोरङका अध्यक्ष अमित ढकाललगायतले पुरस्कार तथा ट्रफी वितरण गरे ।