औषधि व्यवसायीको चुनाव आज, नेतृत्वका लागि काफ्ले र बराल समूह भिड्दै

विराटनगर । औषधि व्यवसायीहरूको संस्था नेपाल औषधि व्यवसायी संघ (एनसीडीए) कोशी प्रदेशको आइतबार हुने निर्वाचनमा दुई समूहबीच प्रतिष्पर्धा हुँदैछ । 

निर्वाचनामा विराटनगरका धनबहादुर काफ्ले र झापाका नगेन्द्रप्रसाद बराल आ–आफनो प्यानल बनाएर चुनावी मैदानमा उत्रिएका छन् । 

अध्यक्षका प्रत्यासी बराल वर्तमान कार्यसमितिका वरिष्ठ उपाध्यक्ष हुन् भने काफ्ले खुद्रातर्फका उपाध्यक्ष हुन् । 

काफ्लेको समूहबाट वरिष्ठ उपाध्यक्षमा लक्ष्मीप्रसाद तिम्सिना, थोक उपाध्यक्षमा सुदिनध्वज श्रेष्ठ, महासचिवमा लक्ष्मण माझी चौधरी र उपकोषाध्यक्षमा पुष्पराज पोखरेल उम्मेदवार छन् ।

यस्तै बरालको प्यानलबाट वरिष्ठ उपाध्यक्षमा सूर्यप्रसाद कोइराला, थोक उपाध्यक्षमा खेमराज बस्नेत, महासचिवमा रविन्द्र घिमिरे र उपकोषाध्यषमा सेवक दाहालले उम्मेदवारी दिएका छन् । खुद्रातर्फको उपाध्यक्षसहित १२ जना यसअघि नै निर्विरोध निर्वाचित भइसकेका छन् ।

खुद्रातर्फको उपाध्यक्षमा दिलिप सुवेदी, कोषाध्यक्षमा प्रभातकुमार श्रेष्ठ र सचिवमा झरना न्यौपाने निर्विरोध निर्वाचित भएका हुन् । 

यसैगरी सदस्यमा शरद गौतम, खेमलाल काफ्ले, यामकुमार खड्का, बेदबहादुर थापा, सुवास पौडेल, महेन्द्र थापा, सुरेन्द्र प्रधान, प्रकाश धिमाल र तिलमाया काफ्ले भट्टराई निर्विरोध निर्वाचित भएका हुन् । 
आइतबार हुने मतदानमा कोशी प्रदेशका १३१ जना मतदाताले मतदान गर्ने छन् । 

प्रदेश समितिका अध्यक्ष, पूर्वअध्यक्षहरू, जिल्ला कार्यसमितिका पदाधिकारी तथा सदस्यहरू, निवर्तमान अध्यक्ष मतदाता हुने बताइएको छ । 

संघको दोस्रो प्रदेश अधिवेशनको शनिबार साँझ उद्घाटन गरिएको थियो ।