विद्यालय खेलकुद संघ मोरङ गठन

विराटनगर । नेपाल विद्यालय खेलकुद संघ मोरङ गठन भएको छ । विराटनगरमा आइतबार भएको भेलाले नेपाल विद्यालय खेलकुद संघ गठन भएको हो । 

संघको अध्यक्षमा प्याब्सन मोरङकी निर्वतमान अध्यक्ष शितला सुब्बा चयन भएकी छन् । समितिको उपाध्यक्षमा सुनिल पौडेल र अनुज बानियाँ, सचिवमा विष्णु डंगोल र कोषाध्यक्षमा अर्चना ढुङ्गेल चयन भए ।

समितिका सदस्यहरुमा हीराबहादुर थापा मगर, नन्दलाल मण्डल, पराग ढुंगाना, उपेन्द्र क“डेल, आयूद अछामी, श्यामलाल पौडेल, विहाङ चौधरी र ज्योती महतो  छन् ।

नवनिर्वाचित अध्यक्ष सुब्बाले विद्यालयस्तरमा खेलकुद क्षेत्रलाई चलायमान गरेर अगाडि बढाउने बताइन् ।

नेपाल विद्यालय खेलकुद महासंघ अन्तर्गत संघ जिल्लामा गठन भएको हो ।