संगीतालयद्वारा विभिन्न क्षेत्रका व्यक्तिहरू सम्मानित

विराटनगर । विराटनगरस्थित स्वर संगम संगीतालयले विभिन्न क्षेत्रमा योगदान पुर्याउने व्यक्तिहरूलाई सम्मान गरेको छ । 

३० औं वार्षिकोत्सवका अवसरमा संगीतालयले साहित्य, समाजसेवा, संगीत, ललितकलालगायतका क्षेत्रमा योगदान दिने स्रष्टाहरूलाई सम्मान गरेको हो ।

स्वरसम्राट नारायणगोपालको ३४ औं स्मृति दिवसको सन्दर्भसमेत पारेर आयोजित कार्यक्रममा साहित्यकार जयप्रसाद पाण्डे, समाजसेवी जगतप्रसाद अज्र्याल, गायक रामा मण्डल, ललितकलाकर्मी निवास पोखरेल, संगीतालय स्थापनाकालका विद्यार्थीमध्येबाट रश्मी हमाललाई सम्मान गरिएको  हो । 

संगीतालयका अध्यक्ष कुशेश्वर राईको अध्यक्षतामा भएको कार्यक्रममा विराटनगर महानगरपालिकाका मेयर नागेश कोइरालाले उनीहरूलाइ सम्मान गरेका थिए ।