दोस्रो जितको खोजीमा विराटनगर किंग्स र कर्णाली याक्स भिड्दै

काठमाडौँ । काठमाडौंस्थित त्रिवि क्रिकेट मैदानमा जारी नेपाल प्रिमियर लिग (एनपिएल) मा आज शनिबार दुई खेल हुँदैछन् । पहिलो खेलमा लुम्बिनी लायन्स र सुदूरपश्चिम रोयल्सबीच प्रतिस्पर्धा हुँदैछ । त्यसैगरी दोस्रो खेलमा भने सन्दीप लामिछाने नेतृत्वको विराटनगर किंग्स र कर्णाली याक्स भिड्दैछन् । 

पहिलो खेल बिहान ९ः१५ बजे सुरू हुनेछ । जारी एनपिएलमा दुुवै टोलीको यो तेस्रो खेल हो । एनपिएलमा दुई खेल खेलेको रोहित पौडेलको कप्तानीको लुम्बिनीले दुवै खेलमा हार ब्यहोरेको छ ।

लुम्बिनीले उच्च स्कोर बनाएर पनि आफ्नो पहिलो खेलमा विराटनगर किङ्ग्ससँग दुई विकेटले पराजित भएको थियो । दोस्रो खेलमा पोखरा एभेन्जर्ससँग १० विकेटले पराजित भएको थियो ।

दिपेन्द्र सिंह ऐरी नेतृत्वको सुदूरपश्चिम रोयल्सले भने खेलेका दुईवटै खेल जितिसको छ ।

सुदूरपश्चिमले पहिले खेलमा विराटनगर किङ्ग्सलाई ९० रनले र दोस्रो खेलमा काठमाडौँ गुर्खाजलाई ७३ रनले हराएको थियो ।

त्यस्तै आजको दोस्रो खेलमा कर्णाली याक्स र विराटनगर किङ्ग्स भिड्दैछन् ।

यो खेल त्रिवि क्रिकेट मैदान कीर्तिपुरमा दिउँसो सवा १ बजे यो खेल सुरू हुनेछ । जारी एनपिएलमा सोमपाल कामीको कप्तानीमा रहेको कर्णाली याक्सले तीन खेल खेलेको छ ।

जसमा दुईवटामा पराजित हुँदा एक खेल भने जितेको छ ।

एनपिएलमा तीन खेल खेलेको विराटनगर किंग्सले पनि पहिलो र दोस्रो खेलमा हार व्यहोरेपनि तेस्रो खेलमा भने रोमाञ्चक जित निकालेको छ ।