पुसोममा अभिमुखीकरण

विराटनगर । पूर्वाञ्चल विश्वविद्यालय व्यवस्थापन क्याम्पस (पुसोम) ले बीबीए प्रथम वर्षमा भर्ना भएका विद्यार्थीका लागि अभिमुखीकरण कार्यक्रम गरेको छ ।

कार्यक्रममा शैक्षिक अभियान सम्वन्धी प्रेरणादायक कार्य गरे वापत प्रिया न्यौपाने, सुश्मा थापा र रोशन ठाकुरलाई प्रमुख अतिथि प्राडा राधेश्याम प्रधान र क्याम्पस प्रमुख प्रशान्तकुमार लालले पुरस्कृत गरेका थिए ।

सो अवसरमा एमफिल पीएचडी कार्यक्रमका निर्देशक प्राडा जीवनकुमार ढकाल, वरिष्ठ अधिकृत वीरेन्द्रकुमार मल्लिक, डा रमाकान्त दास, नीलम भट्टराई, पशुपति नेपाल लगायतले पूर्वाञ्चल विश्वविद्यालयको व्यवस्थापन अध्ययन अध्यापनका सम्वन्धमा मन्तव्य राखेका थिए ।

क्याम्पस प्रमुख (पुसोम निर्देशक) ले सहभागी विद्यार्थीलाई पुसोमको बारेमा जानकारी गराएका थिए ।