जीपी फाउन्डेशनको अध्यक्षमा सोमनाथ घिमिरे फेरि दोहोरिए

न्यूयोर्क(अमेरिका) । गिरिजाप्रसाद कोइराला(जीपी) फाउन्डेशन अमेरिका च्याप्टरको अध्यक्षमा  सोमनाथ घिमिरे पुनः दोहोरिएका छन् । फाउन्डेशनकी संस्थापक अध्यक्ष सुजाता कोइरालाले अमेरिका च्याप्टरको विधानबमोजिम घिमिरेलाई अध्यक्ष पदमा दोस्रो कार्यकालका लागि नियुक्त गरेकी हुन्।

फाउन्डेशन अमेरिका च्याप्टरमा घिमिरेको नेतृत्वमा नॅंया कार्यसमितिको कार्यकाल २०२५-२०२८ रहने बताइएको छ । कार्यसमितिको उपाध्यक्षमा सुवर्ण लामा, महासचिवमा छिरिङ राप्के लामा, कोषाध्यक्षमा रेखा श्रेष्ठ नियुक्त भएका छन् । सदस्यहरूमा धुर्व कुँवर क्षेत्री, रामचन्द्र अधिकारी, सूर्य सिंखडा, राजेश आर्चाय, प्रेम अधिकारी क्षेत्री, प्रेमदिकी शेर्पा, फुदोमा शेर्पा, हिरा तामाङ, पासाङ एस गोर्पामा चयन भएका छन् ।

त्यसैगरी अधिवक्ता गिरिजा गौतम फाउन्डेशनको अमेरिकाका कानूनी सल्लाहकार रहेका छन् । न्यूयोर्कमा कार्यालय रहेको फाउन्डेशनले अमेरिकामा डेमोक्रेसी, पिस र विकासलाई मुल मन्त्र मानेर काम गरिरहेको अध्यक्ष सोमनाथ घिमिरेले बताउँछन् ।

नेपालका पूर्वप्रधानमन्त्री एवं नेपाल कांग्रेस पार्टीका सभापति रहेका गिरिजाप्रसाद कोइरालाको निधनपछि फाउन्डेशन उनकी पुत्री तथा पूर्वउपप्रधानमन्त्री सुजाता कोइरालाले सन् २०११ मा स्थापना गरेकी हुन्।