मेरिल्याण्डमा निबन्ध प्रतियोगिता

विराटनगर । मेरिल्याण्ड कलेज विराटनगरले कक्षा–११ र १२ का विद्यार्थीहरुबीच निबन्ध प्रतियोगिता आयोजना गरेको छ । 

प्रतियोगितामा नेपालीतर्फ मनस्वी अधिकारी प्रथम, प्रशान्तकुमार यादव द्वितीय, प्रज्ञा कटुवाल तृतीय र अनुजकुमार दासले चौथो स्थान प्राप्त गरेका थिए । 

त्यस्तै अंग्रेजीतर्फ नन्दनी चौरडिया प्रथम, निधि झा द्वितीय, कृष भगत तृतीय र दिलसा राजवंशीले चौथो स्थान हाँसिल गर्न सफल भएका छन् । 

विद्यार्थीहरुलाई उनीहरुभित्र भएको कलाको प्रस्फुटन गर्नका लागि उक्त प्रतियोगिता आयोजना गरिएको कलेजका निर्देशक भेषराज पोखरेलले बताए । 

मेरिल्याण्ड कलेजको वार्षिक पात्रो अन्तरगत नै अतिरिक्त क्रियाकलाप गर्दै आएको प्राचार्य लक्ष्मण ढकाल बताउँछन् ।

यसअघि कलेजले हस्तलेखन, वक्तृत्वकला तथा हाजीरीजवाफ प्रतियोगिता सम्पन्न गरिसकेको छ ।