सलकपुर खुला क्रिकेट नकआउट प्रतियोगिताको तयारी

सुन्दरहरैंचा । सुन्दरहरैंचा नगरपालिकास्थित सलकपुरमा यही माघ १५  देखि २२ गतेसम्म सलकपुर खुला क्रिकेट नकआउट प्रतियोगिता हुने भएको छ । 

भुल्के युवा समाज तथा सलकपुर क्रिकेट क्लबको आयोजनामा प्रतियोगिता हुने भएको हो । क्रिकेट प्रतियोगितामा १६ वटा टोलीको सहभागिता रहने आयोजकले पत्रकार सम्मेलन गरी जानकारी गराएको छ । 

प्रतियोगितामा प्रथम र द्वितीय पुरस्कारमा ३० र १५ हजार साथै  शिल्ड, प्रमाणपत्र र पदक रहेको आयोजक समाजका संस्थापक अध्यक्ष तथा खेल संयोजक रोहन खत्रीले बताए । उनले हरेक खेलको उत्कृष्ट ख्लाडी र प्रतियोगिताभरीको उत्कृष्ट खेलाडीलाई पनि पुरस्कारको व्यवस्था गरिएको जानकारी दिए ।

खेल टेनिस बलले खेलाइने छ भने सेमिफाइनल र फाइनल बाहेक अरू सबै खेल १५ ओभरका हुने बताइएको छ । एउटा टोलीमा १४ खेलाडी तथा ११ पेलिङ सेटमा रहने साथै ३ खेलाडी वैकल्पिक रहने उल्लेख गरिएको छ ।