कोशी अस्पताल विकास समितिमा नयाँ पदाधिकारी नियुक्त

विराटनगर । कोशी अस्पताल विकास समितिमा नयाँ पदाधिकारी नियुक्त भएका छन् । स्वास्थ्य तथा जनसंख्यामन्त्री निशा मेहताले समितिको अध्यक्षसहित तीन सदस्य मनोनयन गरेकी हुन् ।

मन्त्रालयका अनुसार डा. सुमित घिमिरेलाई कोशी अस्पताल विकास समितिको अध्यक्षमा नियुक्त गरिएको छ ।

त्यस्तै, समितिको सदस्यमा ललिता सरदार, डा. नूतन नौलखा र मजहर हुसेन नियुक्त भएका हुन् ।

नवनियुक्त अध्यक्ष घिमिरेसहित सदस्यहरूले सोमबार नै पद तथा गोपनीयताको शपथ ग्रहण गरेका छन् । शपथ ग्रहणसँगै उनीहरूले अस्पतालको सेवा, व्यवस्थापन तथा विकासका क्षेत्रमा समितिको जिम्मेवारी सम्हाल्ने भएका छन् ।

यसअघि कोशी अस्पताल विकास समितिको सभापतिमा डा. फरवार्ड सिलवाल नियुक्त भएका थिए । नयाँ पदाधिकारी नियुक्तिसँगै अस्पताल विकास समितिले नयाँ नेतृत्व पाएको हो ।