हात्तीको आक्रमणबाट वृद्धको मृत्यु

सुनसरी । सुनसरीको बराहक्षेत्र–५ मा जंगली हात्तीको आत्रमणबाट एक जना वृद्धको मृत्यु भएको छ । हात्तीको आत्रमणबाट स्थानीय ६९ वर्षीय भीमबहादुर बिष्टको मृत्यु भएको जिल्ला प्रहरी कार्यालय सुनसरीका प्रहरी नायब उपरिक्षक नवीनकृष्ण भण्डारीले जानकारी दिए । 

स्थानीय जनजागृति सामुदायिक वनमा घाँस काट्न गएका बिष्ट दिउँसोसम्म नफर्किएपछि खोजी गर्ने क्रममा हात्तीले कुल्चिएर मृत अवस्थामा भेटिएको भण्डारीले जानकारी दिए ।

घटनास्थलमा जंगली हात्ती समेत देखिएको प्रहरीले जनाएको छ । दुई महिनायता झापाको बाहुनडांगी क्षेत्रबाट नेपाल प्रवेश गरेका हात्तीको बथानले पूर्वी तराइमा ७ जनाको ज्यान लिएको छ ।