बंगलादेशलाई चार मिनेटमै गोल फर्कायो नेपालले

विराटनगर । साफ महिला च्याम्पियनसिप २०२४ को उपाधिका लागि नेपाललाई बंगालेदशलाई गोल हानेको चार मिनेटमै गोल फर्काएको छ ।

पहिलो हाफ बराबरीमा सकिएपछि सुरु भएको दोस्रो हाफको ५२ मिनेटमा बंगलादेशले गोल गरेको थियो ।

त्यसको चार मिनेटमै नेपालकी अमिशा कार्कीले प्रिती राईको पासमा बंगलादेशको पोष्टमा गोल फर्काएकी हुन् । कार्कीले ५६ मिनेटमा बराबरी गोल गरेकी हुन् ।

त्रिपुरेश्वरस्थित दशरथ रंगशालामा नेपाल र बंगलादेशबीच सनसनीपूर्ण खेल जारी छ । 

डिफेन्डर चुक्दा बंगलादेशकी मोनिका चक्माले डिबक्स भित्रबाट नेपालविरुद्ध गोल गरेकी थिइन् ।

दुवै टोलीले गोल गर्नका लागि पाएका थप महत्वपूर्ण अवसरहरू सदुपयोग गर्न सकेका छैनन् ।

दुवै टोलीले गोलका लागि अवसर सिर्जना गरे । तर सफल भएनन् ।

घरेलु दर्शकको साथ पाएको नेपाललाई यो पटक च्याम्पिनसिप उचाल्ने ठुलो अवसर रहेको छ ।