बीबीएसका विद्यार्थीलाई अभिमुखीकरण

विराटनगर । व्यवस्थापन शिक्षामा अब्बल रहेको विराटनगरस्थित मेरिल्याण्ड कलेजले बीबीएसमा भर्ना भएका विद्यार्थीहरूलाई स्वागतसँगै अभिमुखीकरण कार्यक्रम गरेको छ ।

कलेजले सोमबार एक भव्य कार्यक्रम आयोजना गरी  भर्ना भएका नयाँ विद्यार्थीहरूलाई कलेजका नियम, कक्षा सञ्चालनको विधि, कलेजको इतिहास लगायतको विषयमा अभिमुखीकरण गरिएको कलेजका प्राचार्य लक्ष्मण ढकालले जानकारी दिए ।

कलेज व्यवस्थापन समितका उपाध्यक्ष प्राडा प्रमोदकुमार झाको सभापतित्वमा भएको कार्यक्रममा निर्देशकहरू, डा मनोज गुप्ता, भेषराज पोखरेललगायतले गुणस्तरीय शिक्षा प्रदान गरेको कारण विद्यार्थीहरू मेरिल्याण्ड रोजाइमा परेको बताए ।
कलेजका प्राचार्य लक्ष्मण ढकालले सक्षम नेतृत्व, कुशल व्यवस्थापन र मेहनती प्राध्यापक, शिक्षक शिक्षिकाहरुका कारण मेरिल्याण्ड सधै उत्कृष्टमा परेको बताए ।